SEA Sonnepavillon

An der Vakanz waren mär een Dag an d' Natur vun Beetebuerg. Mär hunn eis op d' Sich gemaach no neien a flotten Plazen zu Beetebuerg. Mär sinn dunn an de Bongert beim Bësch gaangen an hunn eis et do gemittlech gemaach. Nodeems mär nach e puer Spiller gemaach hunn, hunn mär eis eisen Picknick gutt schmaachen gelooss. Duerno sinn mär nach e bëssen weider spazéieren gaangen ier mär eis erëm op de Wee fir Heem gemaach hunn.

Mär hunn op d' Nofro vun de Kanner eng Aktivitéit mam Kach geplangt, fir zesummen mat him "Bolinhos de Bacalhau" ze kachen. Et war immens flott eng nei Kichen an eng aner Kultur kennen ze léieren. Nom Kachen hunn d’ Kanner sech d’ "Bolinhos de Bacalhau" gutt schmaachen gelooss.

Haut de Mëtten hunn mär vun deem schéinen Wieder profitéiert an sinn trëppelen gaangen. Mär hunn no enger gudder Plaz gesicht fir ee Picknick ze maachen. Wéi mär bis eng Plaz fonnt haten hunn mär eis et op der Decken gemittlech gemaach an eis d' Schmieren gutt schmaachen gelooss.

D’ Kanner hunn mat ganz vill Gedold een Haus an en Stall aus Plastilin fir hier Playmobil’s Famill mat hieren Deieren gebaut.

Fir gutt Sport kennen ze maachen, gehéiert et sech gutt waarm ze maachen. Dono hunn d' Kanner 2 Équipen gemaach an et geet dorëms op den Knéien an senger Équipe op mannst 3 Passen ze maachen, fir schlussendlech de Ball widdert den Trampolin ze schéissen an eréischt wann déi selwecht Équipe de Ball opgefaangen huet, gëtt et jeeweils 1 Punkt.
D' Équipe, déi als éischt 5 Punkten huet, huet gewonnen.

Kanner hëllefen Kanner

Bastelen mat Eeërskëschten stoung an der Mëttesstonn um Programm

All puer Wochen ginn eis Reim ëmgestallt.
Dëst gëtt, sou weit et méiglech ass, zesummen mat den Kanner gemaach.

An der Vakanz hunn mir een flotten Ausfluch bei d’ Päerd gemaach. Mir sinn mam Zuch an mam Bus dohin gefuer. Do ukomm konnten d’ Kanner d’ Ponyen an d’ Geessen kämmen an si heemelen. Zum Schluss konnt all Kand een Tour reiden an sech op den Trakter setzen.

Haut waren mer op de Geesseknäppchen an den Makerspace. Do konnten mer eis ënnerschiddlech Materialien ukucken an och testen. Mer hunn eng Täscheluucht gebastelt an konnten dono mat der Täscheluucht am däischteren molen. Dovunner sinn och immens flott Fotoen gemaach ginn.

D’ Kanner vum Cycle 3.2-4.2 haten den Wonsch een mol an der Mëttegstonn eppes ze baken oder kachen. Dofir hunn mer als Ofschloss vum 2. Trimester nom Mëttegiessen zesummen Paangecher gemaach. Si hunn den Deeg selwer gemaach an all Kand konnt seng Paangecher selwer maachen. Dobäi sinn ganz flott an kreativ Iddien opkomm an et huet ganz gutt geschmaacht.

D’ Kanner hunn ganz fläisseg un der Ouschterdeko gebastelt. Si hunn e Loftballon opgeblosen. Dunn hunn se Gips driwwer verdeelt an dréchnen gelooss. Wou den Gips gedréchent war ass den Loftballon geplatzt ginn an een Ouschteree ass entstanen. Dunn konnten d’ Kanner nach hiert Ee vun bannen fierwen an fäerdeg war eng flott Deko fir Ouschteren.